Search This Blog

Monday, 2 January 2012

யாத்திராகமம்

"வெளியேறுதல்" அல்லது "புறப்படுதல் என அர்த்தங்கொள்ளும் கிரேக்க வார்த்தைப்படி யாத்திராகமம் (யாத்திரை + ஆகமம்) என தலைப்பிடப்பட்டுள்ளது. "மீட்பின் புத்தகம்' என அழைக்கப்படுகிறது.

'துவக்கங்களின் புத்தகமான' ஆதியாகமத்தில் கர்த்தரின் நோக்கம் வெளிப்படுத்தப்பட்டது. "மீட்பின் புத்தகமான" யாத்திராகமத்தில் கர்த்தரின் செயல் நிறைவேற்றப்பட்டுள்ளது.

ஆசிரியர் : மோசே என கருதப்படுகிறது.
காலம் : சுமார் கி.மு.1445-1405.
மொத்த அதிகாரங்கள் : 40
மொத்த வசனங்கள் : 1231
திறவுகோல் வசனம் : 3:7,10.

சிறப்புக்குறிப்புகள் : ஆதியாகமதிர்க்கும் யாத்திராகமத்திர்க்கும் இடையே 350 ஆண்டுகளுக்கான நிகழ்வுகள் உள்ளன எனலாம். இப்புத்தகத்தில் 146 ஆண்டு கால நிகழ்வுகள் பதிவு செய்யப்பட்டுள்ளது.

எபிரேய குழந்தையாய் பிறந்த மோசே, பார்வோனின் அரண்மனையில் இளவரசனாய் வாழ்ந்தார். பின்னர், வனாந்தரத்தில் பயத்துடன் திரிந்த மோசேயை கர்த்தர் சந்தித்தார் ( முட்புதர் அனுபவம் ). கர்த்தரின் எதிர்பார்ப்பை (இஸ்ரவேலரின் விடுதலை) நிறைவேற்ற கீழ்ப்படிந்தார் மோசே. வல்லரசரான பார்வோநிடமிருந்து கர்த்தரின் இரக்கத்தாலும் ஆற்றலாலும் இஸ்ரவேலர் எகிப்தை விட்டு வெளியேற மோசேயை ஆண்டவர் பயன்படுத்தினார்.

பழைய ஏற்பாட்டிலேயே அதிகமான அளவில் அற்புதங்கள் இடம் பெற்ற புத்தகம். 10 வாதைகள் இதில் மிக முக்கியமானவை எனலாம். நம் கிறிஸ்தவ வாழ்விற்கு அடித்தளம் என உறுதியாக கூறலாம்.

முக்கிய கதாபத்திரங்கள் : மோசே, ஆரோன், மிரியம், பார்வோன் .

கர்த்தர் நம் மக்களின் மீது அக்கறை கொண்டவராக, நமக்குரியவைகளை தந்து வழி நடத்துகிறார். கர்த்தர் பரிசுத்தமுள்ளவர். எனவே, கர்த்தரின் பிள்ளைகளும் பரிசுத்த வாழ்வை வெளிப்படுத்த வேண்டும் என எதிர்பார்க்கிறார்.

பகுப்பு :
1:1-12:36 - எகிப்தில் இஸ்ரவேலர் - எகிப்தியரின் அடக்கு முறையும் அடிமைத்தனமும்
12:37-18:27 - பயணத்தில் இஸ்ரவேலர் - கர்த்தரின் ஆதரவும் விடுதலையும்
19:1-40:38 - சீனாய் மலையடிவாரத்தில் இஸ்ரவேலர் - உடன்படிக்கை ஆசரிப்புக் கூடாரம் உருவாக்கப்படுதல்.

எனக்குரிய செய்தி :
இப்புத்தகத்தில் வலியுறுத்தப்படும் முக்கிய செய்தி "மீட்பு" என்பதாகும். கர்த்தரை விசுவாசிப்போர் எவரையும் கர்த்தர் விடுவித்து, புது வாழ்வு தருகிறார் (யோவான் 1:12). மீட்கப்படும் மக்கள் இயேசு கிறிஸ்துவை ஆராதிப்போராக வாழ வேண்டும் என கர்த்தர் எதிர்பார்க்கிறார். ஆரதிப்போர் கர்த்தரின் பிரதிநிதிகளாக சாட்சி பகர வேண்டும் என்பதே இறைவனின் திட்டம் ஆகும்.


இவ்வரிசையில் நான் எங்கு இருக்கிறேன்? மீட்பு, புது வாழ்வு, தொழுது கொள்வோர், சாட்சியாக வாழ்வோர் - இத்தகைய அனுபவமும், வளர்ச்சியும் என்னில் இடம் பெற வேண்டும். இத்தகைய விருப்பத்துடனும் தீர்மானத்துடனும் இயேசு கிறிஸ்துவிடம் வரும் எவரும் இம்மேலான அனுபவத்தை பெறுவார் என்பதில் ஐயமில்லை. என் வாழ்வில் இந்த அனுபவம் நிறைவேறியுள்ளதா ?

Sunday, 1 January 2012

ஆதியாகமம்

ஆதியாகமம் "துவக்கங்களின் புத்தகம்" என அழைக்கப்படுகிறது. ஆதியாகமம் என்ற பெயர் "செப்துவஜிந்து" எனும் கிரேக்க வேதாகமத்திலிருந்து எடுக்கப்பட்டுள்ளது. இயற்கை, மனுக்குலம், குடும்பம், பாவம், மீட்பு, மொழி, கலாச்சாரம், தேவ ஜனமாகிய இஸ்ரவேலர் போன்ற துவக்கங்களின் வரலாறு இப்புத்தகத்தில் பதிவு செய்யப்பட்டுள்ளது.


மொத்த அதிகாரங்கள் : 50


மொத்த வசனங்கள் : 1533


ஆசிரியர் : "மோசே " என ஏற்றுக்கொள்ளப்பட்டுள்ளது.

எழுதப்பட்ட காலம் : எகிப்திலிருந்து மோசேயின் தலைமையில் இஸ்ரவேலர் புறப்பட்ட காலத்திற்குப் பின், மோசேயின் மரணத்திற்கு முன் எழுதப்பட்டிருக்க வேண்டும் எனக் கருதப்படுகிறது. சுமார் கி.மு.1445 - கி.மு.1405. கற்பனைக்கும் அப்பாற்பட்ட காலத்திலிருந்து, சுமார் கி.மு.1804 ம் ஆண்டு வரையிலான நிகழ்வுகள் தொகுக்கப்பட்டுள்ளன.


ஆதியாகமம் நிகழ்வுகளை 3 காலகட்டங்களாகப் பிரிக்கலாம்.


1) மெசபத்தோமியாவில் நடந்தவை : ஆதி 1-11 - (துவக்கமுதல் (படைப்பு) சுமார் கி.மு.2090 வரை).

2) கானானில் நடந்தவை : ஆதி 12- 36. - (சுமார் கி.மு.2090 முதல் 1897 வரை)

3) எகிப்தில் நடந்தவை : ஆதி 37- 50. - ( சுமார் கி.மு.1897 முதல் 1804 வரை)


எழுதப்பட்ட நோக்கம் : இன்றைய உலகில் நாம் காணும் அனைத்தும் கர்த்தரால் துவங்கப்பட்டவையே என்பதை வலியுறுத்தும் புத்தகம் இது. இன்றும் கர்த்தரின் அனுமதியும் அங்கீகாரமும் இல்லாமல் எதையும் துவங்க இயலாது என்பதை இப்புத்தகம் எடுத்தியம்புகிறது.

சிறப்பாக, கர்த்தரின் திட்டத்தை நிறைவேற்ற தெரிவு செய்யப்பட்ட இஸ்ரவேலரின் வரலாறு இப்புத்தகத்தில் துவங்குகிறது.

பகுப்பு : 1:1-2:3 - படைப்பின் வரலாறு 2:4-5:32 - ஆதாமின் வரலாறு 6:1-11:32 - நோவாவின் வரலாறு 12:1-25:18 - ஆபிரகாமின் வரலாறு 25:19-28:9 - ஈசாக்கின் வரலாறு 28:10-36:43 - யாக்கோபின் வரலாறு 37:1-50:26 - யோசேப்பின் வரலாறு


இப்புத்தகத்தின் முதல் பகுதியில் (1-11 அதிகாரங்கள்) 4 முக்கிய நிகழ்வுகள் பதிவு செய்யப்பட்டுள்ளன. படைப்பு, வீழ்ச்சி, பாவம், ஜலப்பிரளயம், பாபேல் கோபுரம் ஆகியவைகளின் வரலாறுகள் உள்ளன.

ஆதியாகமத்தின் பின் பகுதியில் ( 12-50 அதிகாரங்கள்) 4 நபர்களை குறித்த வரலாறு பதிவு செய்யப்பட்டுள்ளன. ஆபிரகாம், ஈசாக்கு, யாக்கோபு, யோசேப்பு ஆகிய 4 முற்பிதாக்களின் வரலாறுகள் இடம் பெற்றுள்ளன.


இப்புத்தகம் எனக்கு கூறுவது என்ன?

நம் தேவன் "துவக்கங்களின் தேவன் என்பதை கற்றுக்கொடுக்கிறது. எந்நிலையிலும் கர்த்தரிடம் வரும் எவருடைய வாழ்விலும் புதியவைகளைத் துவங்க இயலும்.

இன்றும், நம் வாழ்வுக்கும், வாழ்வின் ஆதாரங்களுக்கும் "துவக்கம்" கர்த்தரிடத்தில் மட்டுமே உள்ளது என்பதை இப்புத்தகத்தின் வாயிலாகக் கற்றுக்கொள்ள இயலும்.

Wednesday, 12 October 2011

விடுகதை 233

இரைச்சல்..
       இரைச்சல்..
       இரைச்சல்..பெருவெள்ள
       இரைச்சல்
                        - அது என்ன?
               மனுஷகுமாரனுக்கொப்பானவருடைய சத்தம் (வெளி 1:15)

Tuesday, 11 October 2011

விடுகதை 232

செய் !
        செய் !
        செயலை நன்றாய் !
        செய்...நன்மையாய்
        செய்பவன் இவரால் உண்டானவன்...
                         - அவர் யார்?
              தேவன் (3 யோ 11)   

Monday, 10 October 2011

விடுகதை 231

அதை விட்டாய்..
     அதை விட்டதே உன் குறை...
     அதை மீண்டும் தொடர்ந்து செய்...
     அதினால் நீங்கிடா விளக்குத்தண்டு....
                         -எதை?
           ஆதியில் கொண்ட அன்பை ( வெளி 2:4,5)

Sunday, 9 October 2011

விடுகதை 230

கையில் பணம் ஆதலால் என் வாழ்வில் நாசம்..
 எனக்குப் பங்குமில்லை பாகமுமில்லை.
சீமோன். அப்போஸ்தலர் 8:9-21

Saturday, 8 October 2011

விடுகதை 229

என்னுடைய கையினாலே
தேவன் இரட்சிப்பைத் தருவார்
என்பதைத் தன் சகோதரர் அறிவார்கள்
என்று நினைத்தது யார்?
 மோசே. அப்போஸ்தலர் 7:20-25