விடுகதை 151

அடங்காத கிடாரி இவன்
அப்பம் சுடும் அடுப்பு இவன்
திருப்பிப் போடாத அப்பம் இவன்
விரும்பப்படாத பாத்திரம் இவன்
பேதையான புறாவாய், மோசம் போக்கும் வில்லாய்
உலர்ந்து போன வேரானான் - அவன் யார்?

விடை:
எப்ராயீம் – ஓசியா 7:1-10.

விடுகதை 150

விடுகதை:
ஆட்டின் பின்னே நடந்தவன்
ஆண்டவரின் பணியை செய்தான்
மீனைப் பிடிக்க சென்றவன்
மீட்பரின் பணியைச் செய்தான் – ஆனால்
மாட்டின் பின்னே நடந்தவன்
மாட்டிக் கொண்டான் ஆண்டவரின் பணிக்கு -அவன் யார்?

விடை:
எலிசா – 1 இரா 19:15-21.

விடுகதை 149

விடுகதை:
ஒவ்வொரு மனிதருக்குள்ளும்
குட்டி உலகம் ஒன்று
கும்மாளமிடுகின்றது -அது என்ன?

விடை:
நாவு – யாக் 3:6-8.

விடுகதை 148

விடுகதை:
ஆயுசு நூறு என்று
ஆனந்தத்தால் வாயைத் திறந்து
ஆர்ப்பரித்து கத்தினாலும்
ஆண்டவர் தந்த ஆவியிலே
ஆயுசுக்கு அளவு உண்டு -அது எவ்வளவு?

விடை:
120 வருடங்கள் – ஆதி 6:3.

விடுகதை 147

விடுகதை:
பகல் நேரம் கடக்க
பாடல் சத்தம் கேட்க
பூமி மிகவும் அதிர
கட்டுகள் எல்லாம் அவிழ
சீடர்கள் அங்கே இருக்க -அவர்கள் யார்?

விடை:
பவுல், சீலா – அப் 16:25-28.

விடுகதை 146

விடுகதை:
வெட்டி வேலை ஆபிஸரு
பட்டி தொட்டி சுத்தினாரு
சட்டிப் பானையை உருட்டினாரு
தவிட்டையும் தேடியே ஓடினாரு
பட்டினியால் உருண்டாரு -அவர் யார்?

விடை:
இளையகுமாரன் – லூக்கா 15:13-17.

விடுகதை 145

விடுகதை:
அத்தேனே பட்டணத்தில்
அர்த்தமுள்ள நீதிமன்றம் -அது என்ன?

விடை:
மார்ஸ் மேடை – அப் 17:19-23.

விடுகதை 144

விடுகதை:
கைவீசம்மா கைவீசு
கஷ்டம் வரும்போது கைவீசு
வயது கூடினாலும் கைவீசு
வால வயதாகும் கைவீசு - வாசிப்பது எங்கே?

விடை:
சங்கீதம் 103:5.

விடுகதை 143

விடுகதை:
குள்ளமான மனிதனுக்கு
குதித்து வந்ததாம் ஆசை
குடுகுடுவென மரத்தில் ஏறி
கூட்டத்திலே இயேசுவைப் பார்த்தானாம்
உள்ளத்தில் அவரை ஏற்றுக் கொண்டு
இல்லத்தில் விருந்து கொடுத்தானாம் -அவன் யார்?

விடை:
சகேயு – லூக்கா 19:1-10.

விடுகதை 142

விடுகதை:
அப்பா ஊரு கிரேக்கம்
அம்மா ஊரு யூதேயா
பாட்டி ஊட்டி வளர்க்க
பவுல் அண்ணன் அழைக்க
பரமனின் பணியைத் தொடர்ந்தார் -அவர் யார்?

விடை:
தீமோத்தேயு – அப் 16:1-3.

விடுகதை 141

விடுகதை:
வேஷம் போட்டு
மோஷம் செய்யும்
நாச மனிதரை மீட்டிடவே
பாசம் வைத்து
நேசக் குமாரனை
தேசத்திற்கு தந்தாரே -அவர் யார்?

விடை:
தேவன் – யோவான் 3:16.

விடுகதை 140

விடுகதை:
சின்னத்தம்பி, பெரியத்தம்பி
சிலையாய் மலைத்து நிற்க
துண்டக் காணோம் துணியைக் காணோம்
எதிரிகள் எல்லாம் ஓட
முப்பத்தொரு ராஜாக்களை
முறியவே அடித்தான் -அவன் யார்?

விடை:
யோசுவா – யோசு 12:1-24.

விடுகதை 139

விடுகதை:
சுருக்கெழுத்துப் போட்டி போல்
சுருங்கப் பேச வேண்டுமாம் -அது என்ன?

விடை:
தேவ சமூகம் – பிர 5:2.

விடுகதை 138

விடுகதை:
சும்மா கிடந்த சங்கை
ஊதிக் கெடுத்தானாம் ஆண்டி – இவனோ
சும்மா போன நாயின்
காதைப் பிடித்து இழுத்தானாம் - அவன் யார்?

விடை:
தனக்கடாத வழக்கில் தலையிடுகிறவன் – நீதி 26:17.

விடுகதை 137

விடுகதை:
மாடு போனால் தேடலாம்
மானம் போனால்…!
மானத்தைக் கல்லில் கட்டி
கடலிலே தூக்கி எறிந்து
மதிக் கெட்டு நடந்தனர்
அக்காவும் தங்கையும் -அவர்கள் யார்?

விடை:
அகோலாள், அகோலிபாள் – எசே 23:1-4.

விடுகதை 136

விடுகதை:
ஆசீர்வாத பிரசங்கம்
ஆவியில் நிறைந்த பிரசங்கம்
ஆளை மயக்கும் பிரசங்கம்
ஆளுக்கொரு பிரசங்கம்
எத்தனை பிரசங்கம் கேட்டாலும்
இதனை அறிக்கை பண்ணாவிட்டால்
எதனையும் நம்பக் கூடாதாம் -எதனை?

விடை:
இயேசு தேவனுடைய குமாரன் – 1 யோவா 4-3

விடுகதை 135

விடுகதை:
ஏசி ரூமிலே
கத்திக் குத்து
எமலோஜம் சென்றான்
அதின் சொந்தக் காரன் -அவன் யார்?

விடை:
மோவாபின் ராஜா எக்லோன் – நியாய 3:14-25.

விடுகதை 134

விடுகதை:
ஒரு கல்லில் இரண்டு மாங்காயாம்
ஒரே கல்லில் எழுபது கொலையாம் - கொலைகாரன் யார்?

விடை:
அபிமெலேக்கு – நியா 9:5.

விடுகதை 133

விடுகதை:
இரவும் பகலும் படித்தவன்
இளைத்துக் களைத்துப் போனானாம்
மூளை எட்டிப் பார்க்கவே
ரோட்டிலே அலைந்து திரிந்தானாம் -அது எதினால்?

விடை:
அதிகபடிப்பு – பிர 12:12.

விடுகதை 132

விடுகதை:
ஆட்கள் இரண்டு, அடித்ததால் இரண்டு
கேட்டது இரண்டு, பிரித்தது இரண்டு
கிழித்தது இரண்டு, கிடைத்தது இரண்டு
கூப்பிட்டது இரண்டு, வந்தது இரண்டு
செத்ததோ நாற்பத்து இரண்டு
இவையனைத்தும் இரண்டில் இரண்டு -வாசிப்பது எங்கே!

விடை:
2 இராஜாக்கள் 2:2.

விடுகதை 131

விடுகதை:
ஊசி முனையில் தவமிருந்தாலும்
ஊசிக் கண்ணில் வானம் தெரிந்தாலும்
ஊசிக் காதில் ஒட்டகம் போனாலும்
இவன் போக முடியாது பரலோகம் -அவன் யார்?

விடை:
ஐசுவரியவான் – மத் 19:23,24.

விடுகதை 130

விடுகதை:
தலைவர்களின் கூட்டத்தில்
தலையை ஆட்டி ஆடி
தலையை வாங்கிச் சென்றாள் -அவள் யார்?

விடை:
ஏரோதியாளின் குமாரத்தி – மத் 14:6-11.

விடுகதை 129

விடுகதை:
இந்தியா என்று சொல்லடா
இன்றே நிமிர்ந்து நில்லடா
இதயத்தில் துணிச்சல் கொள்ளடா
இகத்தை இயெசுவுக்காய் மாற்றடா
இந்தியா வேதத்தில் உள்ளதடா -அது எங்கே?

விடை:
எஸ்தர் 1:1.

விடுகதை 128

விடுகதை:
உலக உருண்டை
உருண்டு கீழே
விழுந்து கிடக்குது -அது எங்கே?

விடை:
பொல்லாங்கனுக்குள் – 1 யோவான் 5:19

விடுகதை 127

விடுகதை:
ஒரு மரமாம்
அந்த மரத்துக்கு 12 கிளையாம்
அதில் ஒன்று உடைந்து போனதாம்
உடைந்த கிளையின் கீழே
அந்த மரம் தஞ்சம் புகுந்ததாம் -அது யார்?

விடை:
யாக்கோபு – ஆதி 47:1-11.

விடுகதை 126

விடுகதை:
அழகிலே சிறந்தவருக்கு
ஆயிரங்கள் ஈடில்லை
உலகிலுள்ள அழகையெல்லாம்
ஒன்று சேர்த்து இணைத்தாலும்
ஒன்றுமே அவருக்கு நிகரில்லை -அவர் யார்?

விடை:
என் நேசர் – உன்னத 5:10-16

விடுகதை 125

விடுகதை:
நண்பர்கள் கூட்டம் வந்தது
நலம் பொலம் பல சொன்னது
உதவாக்கரை மருத்துவர்களாய்
உருமாறிப் போனது -அவர்கள் யார்?

விடை:
யோபுவின் நண்பர்கள் – யோபு 16:2.

விடுகதை 124

விடுகதை:
ஓடும் நீரில் குளிப்பான்
ஓஹோ என்று வளர்வான்
பருவத்தில் பழங்கள் தருவான்
பச்சைப் பசேல் எனத் தேரிவான் -அவன் யார்?

விடை:
இரவும் பகலும் வேதத்தில் தியானமாய் இருக்கிறவன் – சங் 1:3. கர்த்தரை தன் நம்பிக்கையாக கொண்டிருக்கிறவன் – எரே 17:7,8

விடுகதை 123

விடுகதை:
ஏணி மீது ஏணி கட்டி
ஏறி போயி தேடினாலும்
முடவன் கொம்புத் தேனைப் போல
மூடனுக்கு இருக்குமாம் -அவன் யார்?

விடை:
ஞானம் – நீதி 24:7.

விடுகதை 122

விடுகதை:
சத்தமில்லா முத்தத்தால்
சத்தியபரனை காட்டிக் கொடுத்து
சத்துருவான எட்டப்பன் -அவன் யார்?

விடை:
யூதாஸ் காரியோத்து – மாற் 14:43-46

விடுகதை 121

அழகு இருக்கும் இடத்திலே
ஆபத்தும் இருக்குமாம்
அழகான மனைவியால்
ஆபத்து என பயந்து
சென்ற இடம் எங்கும்
அவலை சகோதரி என்றான் - அவன் யார்?

விடை:
ஆபிரகாம் – ஆதி 20:1-12