Search This Blog

Friday, 1 January 2016

ஆதியாகமம் அதிகாரம் 1 - கேள்வி பதில்கள்

1. வானம் எங்கே உண்டாக்கப்பட்டது?
     ஜலத்தின் மத்தியில் (1:6-8)
2. "தேவன் அது நல்லது என்று கண்டார்" - *எத்தனை* முறை வருகிறது?
      5 முறை (1:10,12,18,21,25)
3. சிருஷ்டிகளை ஆள்வதற்கு சிருஷ்டிக்கப்பட்ட சிருஷ்டி யார்?
     மனுஷன் (1:26,27)

Tuesday, 3 November 2015

வேதாகமத்தில் அதிக தடவைகள் பெயர் குறிப்பிடப்பட்டுள்ள மனிதர்கள்


☀ தாவீது என்ற பெயர் 1118 தடவைகள்
☀ மோசே என்ற பெயர் 740 தடவைகள்
☀ ஆரோன் என்ற பெயர் 339தடவைகள்
☀ சவுல் என்ற பெயர் 338 தடவைகள்
☀ ஆபிரகாம் என்ற பெயர் 306 தடவைகள்
☀ சாலொமோன் என்ற பெயர் 295 தடவைகள்
☀ யாக்கோபு என்ற பெயர் 270 தடவைகள்
☀ யோசேப்பு என்ற பெயர் 208 தடவைகள்
☀ யோசுவா என்ற பெயர் 197 தடவைகள்
☀ பவுல் என்ற பெயர் 185 தடவைகள்
☀ பேதுரு என்ற பெயர் 166 தடவைகள்
☀ யோபு என்ற பெயர் 137 தடவைகள்
☀ எரேமியா என்ற பெயர் 136 தடவைகள்
☀ சாமுவேல் என்ற பெயர் 135 தடவைகள்
☀ ஈசாக்கு என்ற பெயர் 127 தடவைகள்

★ நம்முடைய கர்த்தராகிய இயேசு என்னும் நாமமோ 973 தடவைகள் குறிப்பிடப்பட்டுள்ளன.

✍ குறிப்பு: இது மூல ஆதாரத்தில் இருந்து தமிழில்
மொழி பெயர்க்கப்பட்டுள்ளது.

Wednesday, 7 October 2015

பைபிளில் சொல்லப்படுவது உண்மைதான்

பைபிளில் சொல்லப்படுவது உண்மைதான் - நாசா ஆராட்சி கூடம் அதிரடி..!

கர்த்தருக்கு ஸ்தோத்திரம்
யூதர் மற்றும் கிறித்துவர்களின் புனித நூலான பைபிள், அச்சு இயந்திரம் கண்டுபிடிக்கப்பட்ட 1815-ஆம் ஆண்டிற்குப் பின்பு சுமார் 500 கோடிக்கும் மேலான பிரதிகள் அச்சடிக்கப்பட்டு விற்பனை செய்யப்பட்டுள்ளன. அதாவது உலகம் முழுக்க பரவியுள்ள ஒரு நூல்..! நாசாவின் சமீபத்திய ஆய்வின் மூலம் பைபிளில் கூறப்படும் கதைகள் எல்லாமே உண்மை என்று உறுதி செய்துள்ளதாக தகவல்கள் வெளியாகியுள்ளன..!

விண்வெளி நிலை :
100 மற்றும் 1000 ஆண்டுகளாய் என்ற இடைவெளியில் சூரியன், சந்திரன் உட்பட பல கிரகங்களின் விண்வெளி நிலைகளை (positions of several space objects) பற்றிய ஆய்வு மேற்கொள்ளப்பட்டுள்ளது.

ஆய்வு :
நமது பூமி கிரகம் பிற விண்வெளி பொருட்களோடு மோதல் நிகழத்தாமல் இருக்குமா என்றவொரு விண்வெளி ஆய்வுதான் இது.

நேரம் :
சுற்றுப்பாதையில் எல்லாமே நேரத்தினால் தீர்மானிக்கப்படுகிறது. அதனால், விண்வெளி நிகழ்வுகளில் தத்தம் போக்கில் செல்லும் பொருட்களுக்கு எந்தவிதமான குறுக்கீடும் இருக்காது.

ஸ்தம்பித்தது :
அம்மாதிரியான ஆய்வின் கணினி கணக்கீடுகளின் போது ஏற்பட்ட ஒரு சிவப்பு சமிக்ஞை மூலம் ஒட்டுமொத்த ஆய்வுமே ஸ்தம்பித்தது. அதாவது கிரங்களின் விண்வெளி நிலை ஆய்வில் ஏதாவது ஒரு தரவு அல்லது ஒரு முடிவோ தவறாகி விட்டது என்று அர்த்தம்..!

கடந்துவிட்ட நேரம் :
சேவை துறை தலையீட்டுக்குப் பிறகு, கடந்துவிட்ட நேரத்தில் (elapsed time) எங்கோ ஒரு விண்வெளி நாளில் குறிப்பிட்ட நேரம் காணாமல் போயிருந்தது கண்டுபிடிக்கப்பட்டது.

அழகான அர்த்தம் :
இந்த பிரச்சினையை யாராலும் தீர்க்க முடியாத நிலையில் பைபிள் வாசகம் ஒன்று இதற்கு தீர்வாய் அமைந்தது. யோசுவாவின் புத்தகத்தில் உள்ள வரியில் இந்த பிரச்னைக்கான அழகான அர்த்தம் கிடைத்தது.

இருள் கவிழ்ந்தால் :
யோசுவா 10: 8-ல் எதிரிகள் சூழப்பட யோசுவா கவலை கொள்கிறான். இருள் கவிழ்ந்தால் தான் தோற்கப் பெறுவேன் எனவே சூரியனை நிற்க செய்ய வேண்டும் என்று யோசுவா கடவுளிடம் கேட்டார். அப்படியாகவே நிகழ்ந்தது.
அப்பொழுது ஜனங்கள் தங்கள் சத்துருக்களுக்கு நீதியைச் சரிக்கட்டுமட்டும் சூரியன் தரித்தது, சந்திரனும் நின்றது. இது யாசேரின் புஸ்தகத்தில் எழுதியிருக்கவில்லையா. அப்படியே சூரியன் அஸ்தமிக்கத் தீவிரிக்காமல், ஏறக்குறைய ஒரு பகல்முழுவதும் நடுவானத்தில் நின்றது. (யோசுவா 10 :13)

காணாமல் போன நாள் :
இதனை தொடர்ந்து விண்வெளி நேரத்தில் காணாமல் போன நாள் இதுவாகத் தான் இருக்கலாம் என்ற முடிவிற்கு விஞ்ஞானிகள் வந்தனர்.

முழு நாள் :
இந்த முடிவைக் கொண்டு நிகழ்த்தப்பட்ட கணினி கணக்கீடு ஆய்வில் 23 மணி நேரம் 20 நிமிடங்கள் காணாமல் போயிருப்பது கண்டறியப்பட்டது, அதாவது யோசுவா புத்தகத்திலுள்ளது போன்றே கிட்டத்தட்ட முழு நாள், ஆனால் முழு நாள் இல்லை..!

40 நிமிடங்கள் :
அந்த மீதமுள்ள 40 நிமிடங்கள் கிடைக்கப்பெறவில்லை என்றால், அது 1000 ஆண்டுகள் என்று நிகழ்த்தப்படும் அளவீட்டில் ஒரு பிரச்சினையை உருவாக்கும் ஆகையால் மீண்டும் பைபிள் வரிகள் பரிந்துரைக்கப்பட்டன.

பின்னோக்கி போன சூரியன் :
பின்னர் சூரியன் பின்னோக்கி போன குறிப்பு பைபிளில் இருந்துள்ளது. யாரும் முதலில் அதை நம்பவில்லை ஆனால் பின்னர் வேறு வழியின்றி அதை கணக்கிட்டு பார்த்துள்ளனர்.

பத்து டிகிரி :
எசேக்கியாவின் மரணப்படுக்கையில் விஜயம் செய்த ஏசாயா இது தனக்குரிய நேரமில்ல்லை என்று கூற சூரியன் 10 டிகிரி முன்னோக்கி செல்ல வேண்டுமா அல்லது பத்து டிகிரி பின்னோக்கி செல்ல வேண்டுமா என்று கேட்க எசேக்கியா பின்னோக்கி என்று கூறியுள்ளார். அவ்வாறே சூரியன் 10 டிகிரி பின்னோக்கி செல்ல செய்யப்பட்டுள்ளது..!

40 நிமிடங்கள் :
10 டிகிரி என்றால் சரியாக 40 நிமிடங்கள் ஆகும். அப்படியாக விண்வெளி நேரத்தில் காணாமல் போன ஒரு முழு நாளின் கணக்கை பைபிள் கொண்டுள்ளது என்பது தெரிய வருகிறது.

முழுமை :
அதாவது விண்வெளி நாட்களில் காணாமல் போன அந்த முழுநாள் ஆனது 23 மணி நேரம் 20 நிமிடங்கள் (யோசுவாவிற்காக ) எனவும், 40 நிமிடங்கள் (எசேக்கியா மற்றும் ஏசாயாவிற்காக ) எனவும் முழுமையடைகிறது..!
ஆமென் அல்லேலூயா

Tuesday, 18 August 2015

வேதம் காட்டிய அறிவியல்..


*பைபிள் கூறும் அறிவியல் மற்றும் தீர்க்கதரிசன முன்னறிவிப்புகள்:*

➡அறிவியல் மற்றும் அறிவுப்பெருக்கம் - தானி12:4.
➡அதிவேக வாகனங்கள் - நாகூம்2:4.
➡ரோபோ - யோவேல்2:7.
➡மழை பெய்யும் முறையில் - யோபு26:8,36:27,சங்135:7.
➡கொள்ளை நோய்  - லேவி26;25,உபா28:21,சங்78:50.
➡அந்தரத்தில் தொங்கும் பூமி - யோபு26:7.
➡பூமியின் வடிவம் உருண்டை  - ஏசா40:22.
➡மனிதன் பூமியில் மட்டுமே வாழ முடியும்  - ஒபதியா1:4, ஏசா45:18, சங்115:16, ஏசா14:13, ஆமோ9:2.
➡உறுதியான சந்திரன் - சங்89:37.
➡காலக்குறிப்புக்காக சந்திரன் - சங்104:19.
➡மண்ணிலிருந்து வந்தவன் மனிதன் - ஆதி2:7,8,1:27.
➡நிலப்பரப்பைவிட கடல் பெரியது - சங்104:25.
➡இசைபாடும் எண்ணற்ற விண்மீன்கள் - யோபு38:7 எரே33:22.
➡உலகின் மையப்பகுதி - ஆதி28:14,எசே38:10
➡காற்றுக்கு நிறை ஜலத்திற்கு அளவு - யோபு28:25.
➡அணுக்களிள் கூட்டமைப்பே அனைத்தும் - எபி11:3.
➡குடும்ப கட்டுப்பாடு - உபா23:1.
➡மயக்கமருந்து - ஆதி2:21.
➡கருக்கலைப்பு(இந்த வசனத்தில் ஊசி வில்லு என தீ.தரிசனமாக குறிப்பிடப்பட்டுள்ளது) - ஏசா13:18.
➡உயிர் ரத்தத்தில் உள்ளது - லேவி17:11,எபி9:22.
➡JCB - ஏசா41:15.
➡நிலக்கரி(diamond) - யோபு28:5.
➡மோப்ப நாய் - எரே51:3.
➡உலகிலேயே ருசியில்லாத பதார்த்தம் - யோபு6:6.
➡மத்திய கிழக்கு நாடுகளில் எண்ணெய் கடல் வற்றிப்போகும் என்ற தீ.தரிசனம் - எரே51:36.
➡பூமி 231/2டிகிரி சாய்வாக சுற்றுகிறது - யோபு12;15.
➡கடலுக்குள் மலைகள் - யோனா2:5,6.
➡விரிவடையும் வானம் - யோபு9:8, ஏசா42:5, எரே51:15.
➡சூறாவளி காற்று - பிரசங்கி1:6.
➡AC - நியா3:20, எரே36:22.
➡பூமியில் அனைத்து மனிதர்களுக்கும் பொதுவாக 38Y குரோமோசோம்கள் உள்ளது - அப்17:26 (1995ஆம் ஆண்டு Edwin happil என்ற அறிஞர் இதை கண்டுபிடித்தார்).
➡register office - ஏசா32:44.
➡ஈய எழுத்துக்கள் - யோபு19:24.
➡மகிழ்ச்சி மன அழுத்தத்தை அதிகரிக்கும் ஹார்மோன்களை கட்டுப்படுத்துகிறது - நீதி17:22 (மாற்கு14:34).
➡ஒவ்வொரு உயிர்களுக்கும் மாம்சத்தின் மூலக்கூறு வெவ்வேறு - 1கொரி15:39-41.
➡உலக சரித்திரத்தின் ஒரேயொரு நீண்ட நாள் மற்றும் அதன் கணக்கு சரிகட்டப்பட்டது - யோசு10:13,14 2இரா20:11.
➡பிற பறவைகள் மிருகங்களின் இயல்புகள் - யோபு39. நீதி30:24-28, எரே8.
➡கடைசி காலம் - 2தீமோ3ம் அதிகாரம்.
➡அந்தி கிறிஸ்து - 2தெச2, வெளி17:11-13.
➡சமாதானமின்மை - எரே6:14, 30:5, எசேக்13:10, 1தெச5:3.
➡உணவு மற்றும் தண்ணீர் பஞ்சம் மற்றும் தண்ணீரை பணத்தைக் கொண்டு வாங்கும் நிலை - எசேக்4:17, புல5:4.
கட்டுக்கதைக்கும் பொய்க்கும் செவிசாய்க்கும் காலம் - ஏசா30:10, 2தீமோ4:3,4.
➡ஓரிணச்சேர்க்கை - ரோமர்1:26-28.
➡சுணாமி - லூக்21:25, ஏசா51:15, எரே31:35.
➡பெருவெள்ளமாக மக்களை அடித்து கொண்டு போகும் மழை - எசேக்38:22.
➡இரத்தம் அக்கினி புகை அடையாளம்  - யோவேல்2:30.
➡பண ஆசை அதிகரிக்கும் - 2தீமோ3:2.
➡பரியாசக்காரர்கள் அதிகரிப்பார்கள் - 2பேது3:3,4, யூதா8.
➡பாலுறவு குற்றங்கள் - வெளி9:21.
➡துர்உபதேசம் - 1தீமோ4:1-3.
சூரிய வெப்பம் அதிகரிக்கும் - வெளி16:8,9.
➡அணுகுண்டுகளால் எற்படும் நாசங்கள் - சக14:12.
➡உலகை இணைக்கும் தொலைதொடர்பு சாதனங்கள் - வெளி11:9.
➡கள்ளப்போதகர்கள் - 2பேது2:1,2.
➡அதிகரிக்கும்
போர்கள் பஞ்சங்கள் கொள்ளை நோய்கள் பூமி அதிர்ச்சிகள் - மத்24:6-8.
➡வானத்தில் பற்பல அடையாளங்கள் - லூக்21:11.
➡உலகளாவிய போர்கள் - யோவேல்3:9, மத்24:7, வெளி16:14.
➡ஆனாலும் பொய்யான சமாதானம் - எரே6:14, எசேக்13:10, 1தெச5:3.
➡பலர் தங்களை கடவுளின் அவதாரம் என்பார்கள் - மத்24:5, லூக்21:8. 

இன்னும் பல உள்ளது சகோதரர்களே. வேதாகமம் ஒரு அறிவியல் புத்தகம் அல்ல.. ஆனால், அது அறிவியலின் அடித்தளம். இன்றுவரை நிறைவேறும் தீர்க்கதரிசன நூல்! கிறிஸ்துவின் வருகைக்கு நம்மை ஆயத்தப்படச்சொல்லும் ஆசிரியர்! உலகமே அழிந்தாலும் வேதவார்த்தை அழியாது. நாமும் அழியாது, பெருவாழ்வு வாழ, வேதவார்த்தைக்கே கீழ்ப்படிதல் அவசியம்! ஆமென்!

Tuesday, 10 June 2014

தேவன் உருவாக்கிய ஏதேன் தோட்டம் எங்கே?

இது முற்றிலும் உன்மையா என்று தெரியாது. கிடைத்த தகவல்களை  உங்ளோடு பகிர்ந்து கொள்கிறேன்.

"தோட்டத்துக்குத் தண்ணீர் பாயும்படி ஏதேனிலிருந்து ஒரு நதி ஓடி, அங்கேயிருந்து பிரிந்து நாலு பெரிய ஆறுகளாயிற்று." என்று வாசிப்பதில் நதிகளின் துவக்கம் ஏதேன் என்று தெளிவாக தெரிகிறது.

ஆதி 2:11-14. முதலாம் ஆற்றுக்குப் பைசோன் என்று பேர், அது ஆவிலா தேசம் முழுவதையும் சுற்றி ஓடும்; அவ்விடத்திலே பொன் விளையும். அந்தத் தேசத்தின் பொன் நல்லது; அவ்விடத்திலே பிதோலாகும், கோமேதகக் கல்லும் உண்டு. இரண்டாம் ஆற்றுக்குக் கீகோன் என்று பேர், அது எத்தியோப்பியா தேசம் முழுவதையும் சுற்றி ஓடும். மூன்றாம் ஆற்றுக்கு இதெக்கேல் என்று பேர், அது அசீரியாவுக்குக் கிழக்கே ஓடும்; நாலாம் ஆற்றுக்கு ஐபிராத்து என்று பேர்.

பொதுவாக பல ஓடைகள் ஒன்றுகூடி பின் நதியாக மாறும். இங்கே மாறாக ஏதேனிலிருந்து நான்கு நதிகள் ஆரம்பித்தன என்று பார்க்கிறோம். இதனால் சிலர் இந்த தோட்டம் என்பது ஐப்பிராத்து மற்றும் டிக்ரிஸ் நதிகள் சேரும் இடத்தில் இருக்கலாம் என்றும் சொன்னார்கள்.நதியின் இரண்டு முடிவுகளிலும் தேடி அலைந்தாயிற்று.

ஐப்பிராத்து என்ற ஒரே ஒரு நதிமட்டும் அதே பெயரால் அறியப்பட்டுள்ளது. இது துருக்கியின் மலைகளில் ஆரம்பிக்கின்றது, பின்பு டிக்ரிஸ் என்ற நதியுடன் ஈராக்/குவைத் எல்லைக்கருகில் இணைந்துவிடுகின்றது. அநேகர் டிக்ரிஸ் நதிதான் இதெக்கெல் என்று சொல்கின்றனர். இது நம்மை ஏதேன் தோட்டமானது துருக்கியில் இருந்திருக்கவேண்டும் என்று யூகிக்க வைக்கின்றது. ஏனெனில் ஐப்பிராத்து நதியானது துருக்கியில் ஆரம்பிக்கின்றது. இந்த டிக்ரிஸ் நதியும் துருக்கியின் மலைகளில்தான் ஆரம்பிக்கின்றது. இவ்விரண்டு நதிகளும் இந்த மலையில்தான் ஆரம்பிக்கின்றது என்றால் மற்ற இரண்டு நதிகளும் இங்குதான் ஆரம்பிக்கவேண்டும் என்று நமக்கு தெரியும். ஆனால் வேதாகமத்தில் மற்ற இரண்டு நதிகளாகிய பைசோன், கீகோன் பற்றி அதன்பின்பு சொல்லப்படவில்லை. ஆனால் தானியேல் புத்தகத்தில் இதெக்கெல் என்னும் ஆற்றைப்பற்றி சொல்லப்பட்டுள்ளது. (தானி 10:4). செயற்கைக் கோள்கள் கொண்டு எடுக்கப்பட்ட புகைப்படங்களை வைத்து ஒரு நதி வற்றியிருப்பதைக் தொல்பொருள்துறையினர் கண்டுபிடித்தனர். இதுவே பொன்விளைந்த ஆவிலா தேசத்தில் ஓடிய பைசோன் நதி என்று கருதுகின்றனர். இந்த நதி சுமாராக கி.மு. 3500-2500 ல் வற்றியிருக்கலாம் என்று கணக்கிடப்பட்டுள்ளது. சவுதி அரேபியாவை ஆவிலா தேசம் என்றும் யூகமாக சொல்கின்றனர்.

கீகோன் எத்தியோப்பியாவைச் சுற்றி ஓடும் என்றால் அது நைல் நதி இல்லை. எனவே வரைபடமானது இப்படியாக வரையப்பட்டு சாத்தியங்கள் அலசப்பட்டன.



 

நான்கு நதிகளும் பொதுவாக மகாச் நிலச்சரிவு என்ற அமைப்பிற்குள் உள்ளன. பூமியில் கண்டங்கள் இடம் பெயர்ந்தபோது இவைகளில் இரண்டு வற்றியும் மறைந்தும் போயிருக்கவேண்டும்.

முக்கியமாக ஏதேன் தோட்டத்தின் அளவு பைபிளில் சொல்லப்படவில்லை. எனவே ஆறுகளின் தோற்றம் தெற்கு லெபனோன் என்றும் குறிப்பாக எருசலேமுக்கு அருகே என்றும் சொல்லப்படுகின்றது. அதாவது தற்போதைய இஸ்ரவேல் தேசம். இஸ்ரவேல் தேசம் முழுவதும் ஏதேன் தோட்டமாக இருந்ததா என்ற கேள்விக்கு பதில் யாருக்கும் தெரியாது. ஆனால் "தேவன் உருவாக்கிய ஏதேன் தோட்டம்" என்பது இப்போது இல்லை. நோவாவின் காலத்து ஜலப்பிரளயத்தில் இரு நதிகள் அழிந்து போனதுபோல் தோட்டமும் அழிந்து போயிருக்கவேண்டும். எசேக்கியேல் 31:18ல் சொல்லப்பட்டது போல ஏதேனின் விருட்சங்கள் பூமியின் தாழ்விடங்களுக்கு இறக்கப்பட்டன. (வெள்ளம், நிலச் சரிவு). ஏதேனின் நிலைமையை தேவன் 1000 வருட ஆளுகையில் பூமியிலெங்கும் மீண்டும் கொண்டுவருவார்.

Monday, 9 June 2014

இஸ்ரேலில் இயேசு கிறிஸ்து வாழ்ந்த காலத்தினுடைய வீடுகள்

இஸ்ரேல் நாட்டின் நாசரேத் பகுதியில் இயேசு வாழ்ந்த காலத்தினுடையது என்று கூறப்படும் வீடுகளை தொல்லியல் ஆய்வாளர்கள் கண்டுபிடித்துள்ளனர்.

பாலஸ்தீனத்தில் உள்ள பெத்லேமில் இயேசு கிறிஸ்து பிறந்ததாகவும், பின்னர் அவரது குடும்பம் இஸ்ரேலில் உள்ள நாசரேத் என்ற நகரில் குடியேறியதாகவும் கூறப்படுவதுண்டு.

இந்நிலையில், நாசரேத் அருகே இஸ்ரேல் தொல்லியல் துறையினர் மேற்கொண்ட அகழ்வாராய்ச்சியில், சுமார் 50 வீடுகள் புதைந்து கிடந்ததைக் கண்டுபிடித்தனர்.

சுண்ணாம்பு கற்கள் மற்றும் களிமண்ணால் கட்டப்பட்டிருந்த அந்த வீடுகள் இயேசு வாழ்ந்த காலத்து வீடுகளாக இருக்கலாம் என்று தாங்கள் கருதுவதாக, அங்கு ஆய்வில் ஈடுபட்ட தொல்லியல் துறை அதிகாரிகளில் ஒருவரான அலெக்சாண்டிரே தெரிவித்தார்.

இடிபாடுகளுடன் காணப்பட்ட அந்த வீடுகளில் உணவு பொருட்கள் மற்றும் தண்ணீர் போன்றவற்றை சேமித்து வைப்பதற்கான பாத்திரங்களும் இருந்ததாக அவர் கூறினார்.

கி.மு. 100 ஆம் ஆண்டு தொடக்கத்தில் அல்லது இடைப்பட்ட காலத்தில் இந்த வீடுகள் கட்டப்பட்டிருக்கலாம் என தாங்கள் கருதுவதாகவும் அலெக்சாண்டிரே மேலும் கூறினார்.

இந்த வீடுகள் இருந்த இடம் இயேசு கிறிஸ்துவுக்கும், அவருடன் வாழ்ந்தவர்களுக்கும் நன்கு அறிமுகமான இடமாக இருந்திருக்கலாம். மேலும் இந்த வீடுகளைச் சுற்றியுள்ள இடங்களில், இயேசு சிறு குழந்தையாக இருந்தபோது தனது நண்பர்கள் மற்றும் ஒன்றுவிட்ட சகோதரர்களுடன் விளையாடி இருக்கவும் கூடும். இது ஒரு காரணகாரியத்துடனான மதிப்பீடுதான் என அவர் தெரிவித்தார்.

Sunday, 8 June 2014

இயேசுநாதரின் உடல் அடக்கம் செய்யப்பட்ட கல்லறை

இஸ்ரேலில் உள்ள ஜெருசலேம் நகரில் ஒரு மிகப் பழமையான கல்லறையை அகழ்வாராய்ச்சியில் கண்டுபிடித்துள்ளனர். இது கிபி முதலாம் நூற்றாண்டைச் சேர்ந்தது என்று தெரிய வந்துள்ளது. இது இயேசுநாதர் உடல் அடக்கம் செய்யப்பட்ட கல்லறையாக இருக்கலாம் என்றும் அகழ்வாராய்ச்சியாளர்கள் கருதுகின்றனர்.


இயேசுநாதரின் உடல் இங்குதான் அடக்கம் செய்யப்பட்டிருக்க வேண்டும் என்றும் அவர்கள் உறுதியாக கூறுகின்றனர்.


ஒரு நவீன அடுக்குமாடி வளாகத்தின் அடியில் அமைந்திருக்கிறது இந்தக் கல்லறை, கி.பி. 70-ம் ஆண்டுக்கு முந்தையதாகக் கருதப்படுகிறது. இயேசு நாதரின் ஆரம்ப கால சீடர்கள் இதை அமைத்திருக்கலாம் என்றும் கருதப்படுகிறது.
 
 கல்லறையில் இருக்கும் சுண்ணாம்புக் கல்லால் ஆன பெட்டியில் "புனித ஜெகோவா விழித்தெழு' என்று கிரேக்க மொழியில் குறிப்பிடப்பட்டிருப்பதை ரிமோட் கன்ட்ரோல் கேமரா உதவியுடன் ஆய்வாளர்கள் கண்டுபிடித்திருக்கின்றனர்.

இதேபோன்ற மற்றொரு பெட்டியில் பெரிய மீனின் வாயில் மனிதன் சிக்கியிருப்பதைப் போன்ற உருவம் பொறிக்கப்பட்டிருக்கிறது. இது பைபிளில் கூறப்பட்டிருக்கும் ஜோனா என்கிற தேவதூதரின் கதையாக இருக்கலாம் என்று நம்பப்படுகிறது.
 


ஜோனாவை விழுங்கிய பெரிய மீன் அல்லது திமிங்கலம், பிறகு அவரை விட்டுவிட்டதாக பைபிளில் கூறப்பட்டிருக்கிறது. மீனின் உருவத்தை கணினியின் உதவியுடன் பெரிதாக்கிப் பார்த்தபோது, அது ஜோனாவின் கதையைப் பிரதிபலிப்பதாக இருப்பது தெரியவந்தது.

கல்லறைப் பெட்டிகளில் செதுக்கப்பட்டிருக்கும் வாசகம், மீனின் உருவம் ஆகியவை "உயிர்த்தெழுதல்' என்கிற கிறிஸ்தவ நம்பிக்கையைக் காட்டும் வகையில் அமைந்திருப்பதாக "லைவ் சயின்ஸ்' பத்திரிகை குறிப்பிட்டிருக்கிறது.

பெரும்பாலான கிறிஸ்தவர்களின் கல்லறைகளில் ஜோனாவின் கதை பொறிக்கப்படுவது வழக்கமானதுதான் என்றாலும், அவற்றில் எதுவும் முதலாம் நூற்றாண்டைச் சேர்ந்தவையல்ல.

இருப்பினும் இப்போது ஆராய்ச்சியாளர்கள் குறிப்பிடும் இந்தக் கல்லறை 1981-ம் ஆண்டிலேயே கண்டுபிடிக்கப்பட்டதாகும். ஆனால், கல்லறைகளைத் தோண்டுவதை எதிர்க்கும் யூதக் குழுக்கள் அதை ஆய்வு செய்வதை எதிர்த்தனர். இதனால், ஆய்வாளர்கள் அந்த இடத்தில் இருந்து வெளியேற்றப்பட்டனர். பின்னர் அந்தக் கல்லறை சீலிடப்பட்டு இப்போது இருக்கும் இடத்தில் புதைக்கப்பட்டது.


சுமார் 20 ஆண்டுகளுக்குப் பிறகு தற்போதைய அகழ்வாராய்ச்சிக் குழுவின் தலைவரான தபோரும் அவரைச் சேர்ந்தவர்களும் கல்லறையைத் தோண்டுயெடுப்பதற்கு அனுமதி பெற்றனர். யூத அமைப்புகளின் கடும் எதிர்ப்பையடுத்து, கல்லறையைத் தோண்டுவதற்குப் பதிலாக ரிமோட் கண்ட்ரோல் உதவியுடன் இயங்கும் இயந்திரக் கைகள் பொருத்தப்பட்ட கேமராக்களை துளைகள் வழியாக கல்லறைப் பகுதிக்குள் அனுப்பி ஆய்வு மேற்கொண்டனர் என்பது குறிப்பிடத்தக்கது.